சபாஷ் வேதாந்தி

பாரதத்தை காக்க வந்திருக்கும் புதிய பரமாத்மா டாக்டர் ஸ்ரீ வேதாந்தி அவர்களின் பேட்டி.

வேதாந்தி: ஜெய் ஸ்ரீராம்! யார் பேசறது?

ஜூ.வி: வணக்கம், வேதாந்திஜி! நான் சென்னையிலிருந்து வெளிவரும் ஜூனியர் விகடன் பத்திரிகையின் நிருபர் பேசுகிறேன்.

வேதாந்தி: சொல்லுங்க என்ன கேட்கப் போறீங்க?

ஜூ.வி: ஒரு சாதுவாக இருந்தும் தமிழக முதல்வர் பற்றி இவ்வளவு கடுமையாகப் பேசியிருக்கிறீர்களே..?

வேதாந்தி: தெய்வமான ராமரை கருணாநிதி இழிவாகப் பேசியது குறித்து அயோத்தியில் சாதுக்களின் சபை கூடி ஆலோசித்தது. அப்போது, இந்துக் கடவுள்களைப் பற்றி இழிவாகப் பேசுபவர்கள் யாராக இருந்தாலும் கழுத்தை அல்லது நாக்கைத் துண்டிக்க வேண்டும் என்று பகவத்கீதையில் குறிப்பிடப்பட்டுள்ளதைச் சுட்டிக்காட்டினேன். இதை சாதுக்கள் ஏற்றுக்கொண்டதன் பேரில்தான் அதை வெளி யிலும் சொன்னேன். அதனால் தமிழகத்தில் வன்முறை வெடித்தால் நான் என்ன செய்யமுடியும்? வன்முறைகளில் சாதுக்களுக்கு நம்பிக்கை இல்லை. எனவே, மீண்டும் சாதுக்கள் என்னைத் தொடர்புகொண்டு கேட்டுக்கொண்டதால், நான் முதலில் கூறியதை வாபஸ் வாங்கினேன்.

ஜூ.வி: ஆக, இதை மீடியா திரித்துப் போடவில்லை. நீங்கள் முதலில் கருணாநிதி பற்றி கூறியது உண்மை. அதை இப்போது வாபஸ் வாங்குகிறீர்கள். அப்படித்தானே?

வேதாந்தி: அப்படித்தான்! கருணாநிதி பற்றி நான் சொன்னதாக வந்த செய்திகள் உண்மைதான். என்னைப் பொறுத்தவரை இன்னும் அந்தக் கருத்தில் எந்த மாற்றமும் இல்லை. கருணாநிதி வெளியிட்டவை மன்னிக்க முடியாத கருத்துக்கள். ஒருவனின் தாயையோ சகோதரியையோ அவன் கண்முன்னே யாராவது கற்பழித்தால், அவனால் அதைப் பார்த்துக் கொண்டு சும்மா இருக்க முடியுமா? அது போலத்தான் ராமரை இழிவாகப் பேசுவதைப் பார்த்துக்கொண்டு என்னால் சும்மா இருக்க முடியாது. இப்படி யார் கூறினாலும் அவருக்கு உயிருடன் இருக்கவும் அதிகாரம் இல்லை. இதை காதால் கேட்ட பிறகு அவரை ஒன்றும் செய்யாமல் சும்மா விடவும் எங்களுக்கு அதிகாரம் இல்லை. ஆனால், என்ன செய்வது, ஜனநாயக நாட்டில் சட்ட திட்டங்களுக்கு உட்பட்டு வாழ வேண்டியது கடமையாயிற்றே... அதனால்தான் இன்று கருணாநிதி மேல் வழக்குப்பதிவு செய்ய பைசாபாத் நீதிமன்றத்துக்குப் போய்க்கொண்டு இருக்கிறேன். ஆனால், கருணாநிதி ராமரைப் பற்றி ‘சோம பானம் அருந்தியவர்’ என்று அடுத்தபடியாகவும் ஒரு விமர்சனம் செய்திருப்பதாகவும் கேள்விப்பட்டேன். நான் டாக்டர் பட்டம் வாங்கியதே ராமாயணத்தை ஆராய்ச்சி செய்துதான். இதுகுறித்து கருணாநிதிக்கு தைரியம் இருந்தால் நேருக்கு நேர் என்னுடன் விவாதிக்கச் சொல்லுங்கள். ஒருவர் மீது பழிபாவம் சொல்லுபவர்கள்தான் அந்த நினைப்போடே இருக்கிறார்கள் என்று ஏன் சொல்லக்கூடாது?

ஜூ.வி: நீங்கள் இந்தக் கருத்தை நிதானமாகத்தான் பேசுகிறீர்களா, உணர்ச்சி வசப்பட்டு பேசுகிறீர்களா?

வேதாந்தி: நிதானமாக யோசித்துதான் கூறுகிறேன். இதற்கு முன்பும் நிதானமாகத்தான் கூறினேன்.

ஜூ.வி: இந்த விஷயத்தில் பி.ஜே.பி. உங்களைத் தனிமைப்படுத்திப் பேசுகிறதே?

வேதாந்தி: அது ஒரு அரசியல் கட்சி. தன் வழியில் போகிறது. அதற்காக நான் அவர்களைத் தவறு சொல்லவில்லை. நான் என் தர்ம சாஸ்திரப் பணிகளைச் செய்கிறேன். இதே கருணாநிதியுடன்தானே அவர்கள் முன்பு கூட்டணி வைத்திருந்தார்கள்?

ஜூ.வி: ஆனால், அவர்கள் கட்சி சார்பில் தானே நீங்கள் இரண்டு முறை எம்.பி. பதவி வகித்தீர்கள்?

வேதாந்தி: உண்மைதான். அவர்கள் ராமரைப் பற்றி இழிவாகப் பேசுபவர்களை எதிர்த்து தங்கள் வழியில் போராட்டம் நடத்துகிறார்கள். நான் என் வழியில் எதிர்க்கிறேன். அரசியலுக்கும் எனக்கும் சம்பந்தம் இல்லை.

ஜூ.வி: தற்போது ராமசேதுத் திட்டம் வேறு உருவில் அமல்படுத்தப்படலாம் என ஒரு பேச்சு அடிபடுகிறதே?

வேதாந்தி: அதை எந்த உருவில் வேண்டு மானாலும் அமல்படுத்திக்கொள்ளட்டும். இதனால், ராமர் பாலத்துக்கு எந்த சேதமும் வரக்கூடாது. அப்படி சேதப்படுத்துகிறவர்கள் யாராக இருப்பினும் அவர்களை விடமாட்டேன். அவர்களுக்கு நானே தூக்கு தண்டனை(?!) தருவேன். கருணாநிதியும், டி.ஆர்.பாலுவும் வரலாற்றைத் திரித்து எழுதும் முயற்சியில் ஈடுபட்டு வருகிறார்கள். இருவரும் ராமர் பாலத்தைத் தகர்க்க முயல்கிறார்கள். நாங்கள் இருக்கும்வரை அது மட்டும் நடக்க விடமாட்டோம். இதை எதிர்த்து நாடு முழுவதும் இன்னும் பல போராட்டங்கள் நடத்த உள்ளோம். ஜெய்ஸ்ரீராம்!
(நன்றி ஜூனியர் விகடன்)

தான் சார்ந்து இருக்கும் கட்சியே அவரை ஒதுக்கினாலும் சற்றும் தயங்காமல் தன் கருத்துகளை வெளியிட்ட அவரை வணங்குவோம். அவர் தொடங்கிய புனித பயணத்தில் ஹிந்துஸ்தானத்தில் இருக்கும் உண்மையான ஹிந்துக்கள் அனைவரும் இணைவோம். உங்களால் நேரடியாக ஈடுபட முடியாவிட்டால் தங்கம் வாங்குவதற்காக உங்களின் பங்களிப்பை கீழ் கண்ட முகவரிக்கு அனுப்பவும்.

Doctor Shri. Ramvilas Vedanti,

Vishva Hindu Parishad,

Sector - 6,

Rama Krishna Puram,

New Delhi, Bharat (INDIA)-110022

Fax 00-91-11-26195527, 26178992

Phone 00-91-11-26161369, 26103495, 26178992

உரையின் மீது தவறாமல் "ஸ்ரீராம சேது தலை நிதி" என்று குறிப்பிடவும். காணிக்கை அனுப்பியவர்களுக்கு ஸ்ரீராமர் பாதம் பட்ட ஸ்ரீராம சேதுவின் மணல் பத்து கிராம் அனுப்பி வைக்கபடும். மேலும் உங்கள் குடும்பத்தவர் அனைவருக்கும் ஸ்ரீராமரின் அனுக்கிரகம் உண்டாகும்.

ஜெய் ஸ்ரீராம்.