நக்கீரனின் விஷமம்

உலகின் ஒரே தங்க தாரகையும் தமிழகத்தின் நிரந்தர முதல்வருமாகிய அம்மா அவர்கள் தமிழீழம் அமைய அரும்பாடுபட்டு வருவது உள்ளங்கை நெல்லிகனி. அதனால்தான் அவரை புலம் பெயர்ந்து வாழும் பல கோடி ஈழ தமிழர்கள் "ஈழத்தாய்" என்று அழைக்கின்றனர்.

அம்மா அவர்கள் ஆட்சி பொறுப்பு ஏற்றதும் ராஜபக்சேவுக்கு வயிறு கலங்கிவிட்டதாக தகவல்கள் வெளியாகி உள்ளன. அம்மா அவர்கள் கூடிய விரைவில் தமிழக தேர்தல் அதிகாரியான பிரவீண் குமார் தலைமையில் இயங்கும் துணை நிலை ராணுவத்தை அனுப்பி தமிழீழம் கிடைக்க செய்வார் என்று ஏங்கி தவிக்கும் பல கோடி தமிழர்களில் நானும் ஒருவன்.

அதை கண்டு பொருக்க முடியா நக்கீரன் ஒரு விஷம செய்தியை வெளியிட்டு உள்ளது. இது அம்மாவின் பேட்டியாம்.

இலங்கை தமிழர்கள் சொல்லொணாத் துயரங்களுக்கு ஆள்படுத்தப்பட்டு இருக்கிறார்கள். இதை பற்றி பல பொதுக் கூட்டங்களில் பேசியிருக்கிறேன். பல அறிக்கைகளையும் வெளியிட்டு இருக்கிறேன். இதற்கு எல்லாம் காரணம் இலங்கை அரசுதான். ஆகவே தமிழர்கள் என்ற முறையில், இலங்கை வாழ் தமிழ் மக்களுக்கு ஒரு நல்ல வாழ்க்கையை அமைத்து தர வேண்டியது, நம் அனைவருடைய கடமை. இதில் எனக்கு அசைக்க முடியாத நம்பிக்கை உண்டு. அதற்கு நம்மால் முயன்றதை அனைவரும் செய்ய வேண்டும்.

மாநில முதல் அமைச்சர் என்ற முறையில் ஓரளவுக்குத்தான் இதில் செயல்பட முடியும். ஏனென்றால் இது சர்வதேச பிரச்சினை. இரு நாடுகளுக்கு இடையேயான பிரச்சினை. நடவடிக்கை எடுக்க வேண்டியது மத்திய அரசு. மத்திய அரசு என்ன செய்யலாம் என்று ஆலோசனை தெரிவித்து ஏற்கனவே அறிக்கை வெளியிட்டிருக்கிறேன். முதல் அமைச்சராக பொறுப்பேற்ற பிறகு நான் மத்திய அரசை வலியுறுத்துவேன்.

நக்கீரனின் இந்த விஷம செய்தியை கடுமையாக கண்டிப்போம்.

வாழ்க அம்மா. வீழ்க நக்கீரன்.